Ոստիկաններն Արատաշտում արգելափակել են դեպի Երևան ավտոերթ իրականացնող Նոր Կյանք համայնքի գյուղապետ Գարիկ Սարգսյանի ավտոմեքենան՝ թույլ չտալով առաջ շարժվել: Քաղաքացիական հագուստով անձինք վիրավորական խոսքեր են ուղղում «Քաղաքացիական պամանագիր» կուսակցության անդամ գյուղապետի հասցեին՝ ասելով, որ կաշառված է, դրա համար նման գործողություններ է անում:
Գյուղապետը մեքենայի միջից բարձրախոսով հայտարարում է, որ իր կյանքը վտանգված է, նա հորդորում է քաղաքացիներին՝ գալ և շրջափակել իր ավտոմեքենան:
Ոստիկանությունը փորձում է բացել դուռը և վարորդին բերման ենթարկել: «Ի՞նչ մեյմունություն ես անում. ո՞վ ա ինքը, որ գա մեր վարչապետին բան ասի, տրակտոր են խոստացել դրա համա՞ր»,- դիմելով գյուղապետին, ասաց քաղաքացիական հագուստով անձը՝ նշելով, որ ինքն էլ մեկ ուրիշ համայնքի գյուղապետ է:
Նշենք, որ ոստիկանությունը դիտում է քաղաքացիների վիճաբանությունը՝ չփորձելով նույնիսկ միջամտել: