Իրադարձություններ

     Ի թիվ ԱԺ ընդունած այլ օրենքների, ՀՀ նախագահն ստորագրել է նաև «Հավաքների ազատության մասին» ՀՀ օրենքում փոփոխություններ և լրացում կատարելու օրենքը:
     Հիշեցնենք, որ օրինագծի նախնական քննարկումների ժամանակ, «Ելք» խմբակցության ղեկավար Նիկոլ Փաշինյանը նկատել էր՝ «Սահմանադրության անվան տակ ինչ ասես սղցնում են». «Ինձ համար միանշանակ է, որ այս փոփոխությունով իշխանությունը մտավախություն ունի, որ ՀՀ-ում կարող են բուռն հանրահավաքային շարժումներ սկսել, սրանով փորձում ա բերել, հասցնել 2008-ի արտակարգ դրության վիճակին: Թաքուն, քողարկելու մեթոդներով վերադառնում ենք արտակարգ դրության ռեժիմին»,- ասել էր ընդդիմադիր պատգամավորը:
     Քվեարկության ժամանակ արդեն «Ելք»-ը կողմ էր քվեարկել՝ նշելով հետևյալը. «Փոփոխությունները, որոնք մեզ մտահոգում էին, տեղ չեն գտել։ Հիմնական զեկուցողն ու համազեկուցողն այդպես են հավաստիացրել մեզ»: