Շրի Լանկան պաշտոնապես հաստատել է այն փաստը, որ երկրում 1980-ական թվականներին «մանկական ֆերմաներ» են գոյություն ունեցել, որոնք զբաղվել են երեխաների վաճառքով՝ որդեգրման արտասահմանյան պահանջարկը բավարարելու համար:
Շրի Լանկայում այդ տարիներին ապօրինի գործունեության վերաբերյալ բազմաթիվ փաստեր ներկայացրել է նիդեռլանդական հեռուստաալիքը՝ ZEMBLA փաստավավերագրական հաղորդման շրջանակներում: Դրան հաջորդել է ասիական երկրի իշխանությունների արձագանքը. երկրի առողջապահության նախարարը հաստատել է այդ տարիներին նման ֆերմաների գոյությունը:
Նշվում է, որ հենց «մանկական ֆերմաների» գոյության պատճառով է Շրի Լանկան 1987-ին արգելել միջազգային որդեգրումը: Այժմ կղզի-պետության իշխանություններն աշատանքներ են տանում ապօրինաբար որդեգրված երեխաների կենսաբանական ծնողներին գտնելու ուղղությամբ: