Իրաքի Մոսուլ քաղաքը ԴԱԻՇ ահաբեկչական խմբավորումից ազատագրելու ողջ ընթաքցքում ավելի քան 40 հազար խաղաղ բնակիչ է զոհվել: Ինչպես հաղորդում է Independent-ը, այդ են վկայում քրդական հետախուզության տվյալները:
Նշվում է, որ քաղաքի բնակիչները դարձել են ահաբեկիչների, իրաքյան զորքերի, նաև ավիահարվածների զոհ: Ինչպես նշել է քուրդ քաղաքական գործիչ, Իրաքի նախկին արտգործնախարար Հոշիյար Զեբարին, զոհերի մեծ մասի մարմինները մինչ այժմ թաղված են ավերակների տակ:
Իրաքի Մոսուլ քաղաքն ահաբեկիչներից ազատագրման ռազմագործողություններն սկսվել են անցած տարվա հոկտեմբերին: Ռազմագործողություններին ներգրավվել են արաբական հատուկջոկատայինները, դաշնային ոստիկանությունը, արագ արձագանքման ուժերն ու Իրաքի բանակը: Իրաքյան ստորաբաժանումներին օդից աջակցություն է ցուցաբերել Միացյալ Նահանգների գլխավորած միջազգային կոալիցիան:
Իրաքի Մոսուլ քաղաքի վերջնական ազատագրման մասին նախորդ շաբաթ հայտարարել է երկրի վարչապետ Հայդար ալ-Աբադին: