Արդեն մի քանի օր միջազգային մամուլը գրում է, որ փոփ երգչուհի Բեյոնսեն ու նրա ամուսին Jay-Z-ն շաբաթվա սկզբին երկվորյակ են ունեցել՝ տղա և աղջիկ: Ընտանիքի մտերիմները հայտնել են, որ զույգը նոր-նոր է սկսել տպավորություններով կիսվել հարազատների ու ընկերների հետ: «Նրանք ոգևորված են, երջանիկ՝ ընտանիքի համալրմամբ»:
Միջազգային մամուլը գրում է, որ ծնունդը գրանցվել է հունիսի 14-ին, մեկ այլ աղբյուր նշում է՝ հունիսի 13-ին: Ինչևէ, երեխաների ծննդյան օրը, քաշը, անունները դեռևս հայտնի չեն:
Հիշեցնենք, որ զույգն ունի 5-ամյա դուստր, ում անունը Բլյու Այվին է: