Ֆենոմենալ հիշողության տեր մարդը հիշում է անգամ իր լույս աշխարհ գալու օրը
 27-ամյա Ռեբեկա Շարրոքն ունի այնպիսի ֆենոմենալ հիշողություն, որ հիշում է անգամ իր լույս աշխարհ գալու օրն, այն էլ՝ ամենայն մանրամասնությամբ: Աշխարհում կա 60-70 մարդ, ով հստակորեն հիշում է իր կյանքի ամեն մի օրը՝ ամենայն մանրամասներով: Այս երևույթը կոչվում է հիպերտիմեստիկ համախտանիշ: Ռեբեկան անգամ հիշում է իր բոլոր կարդացած գրքերն՝ էջ առ էջ: Նա այժմ ինքնակենսագրական գիրք է գրում՝ զարմանալի մանրամասնություններով: «Հիշում եմ, ինչպես էի կյանքիս սկզբում շատ ժամանակ անցկացնում իմ օրորոցում՝ նայելով խաղալիքներին ու օդափոխիչին: Իմ առաջին տարեդարձի օրը չէի հասկանում, թե այդ ինչ օր է, բայց մայրիկս ինձ հագցրեց սատինե զգեստ, որից ամբողջ մարմինս քոր էր գալիս ու ես լացեցի: Ինձ ասացին, որ այդ օրն իմ առաջին տարեդարձն է և շատ մարդիկ են գալու շնորհավորելու: Ես էլի չհասկացա, բայց լացելս դադարեցրի: Ծնողներս ինձ նվիրեցին Մինի Մաուս փափուկ խաղալիք, որի դեմքից ես վախեցա ու լացեցի:  Ռեբեկա Շարրոք Ռեբեկային այժմ հետազոտում են ամերիկացի գիտնականները՝ փորձելով գտնել ուղեղի հետ կապված անպատասխան հարցերի պատասխանները: |
