«Մի շենքը Դուբայ է հիշեցնում, մյուսը` չգիտես ինչ, քաղաքը կորցրել է նախկին դիմագիծը». հանդիպում Թամար Հովհաննիսյանի հետ
Դերասանուհի Թամար Հովհաննիսյանը կարծում է, որ մենք չունենք ժամանակակից դրամատուրգիա, իսկ բեմում արտացոլված չեն այն խնդիրները, որոնք այսօր ունենք: «Մի շենքը Դուբայ է հիշեցնում, մյուսը` չգիտես ինչ, քաղաքը կորցրել է նախկին դիմագիծը». հանդիպում Թամար Հովհաննիսյանի հետ ԱՅՆ, ԻՆՉ ՔԱՆԴՎԵԼ Է, ԱՅԼԵՎՍ ՀԵՏ ԲԵՐԵԼ ՀՆԱՐԱՎՈՐ ՉԷ… Քաղաքը կորցրել է իր նախկին դիմագիծը, դա շատ բացահայտ է… Այն, ինչ հիմա կա, չգիտեմ` լավ քաղաք է, թե վատ, բայց Երևանը չէ: Ցավոք, այն, ինչ քանդվել է, այլևս հետ բերել հնարավոր չէ… Ամբողջ Շահումյան հրապարակն ապականված է, բոլոր լավագույն շենքերը քանդվել են, բոլորովին ուրիշ ոճի շենքեր են կառուցվել: Քաղաքը հայտնի էր որպես վարդագույն քաղաք, հինգ հարկանի շենքերի քաղաք, և դրանով հենց յուրահատուկ էր: Ժպիտով քաղաք էր, հիմա էդպես չի: Մի շենքին նայում ես Դուբայ է հիշեցնում, մյուսին նայում ես` չգիտես ինչ է հիշեցնում: Ճարտարապետական դեմքի իմաստով դարձել է անգրագետ մի բան: «Մի շենքը Դուբայ է հիշեցնում, մյուսը` չգիտես ինչ, քաղաքը կորցրել է նախկին դիմագիծը». հանդիպում Թամար Հովհաննիսյանի հետ ԱՐՎԵՍՏԸ` ՇԱՐՄ ՀՈԼԴԻՆԳԻ ԳԼԽԱՎՈՐՈՒԹՅԱՄԲ ԱՊԱԿԱՆՎԵԼ ՈՒ ԼՐԻՎ ԱՅԼ ՈՒՂՂՈՒԹՅԱՄԲ Է ՏԱՐՎԵԼ Արվեստը ուրիշ մոլորակի վրա չի ստեղծվում, ստեղծվում է հենց այնտեղ, որտեղ դու ապրում ես, և բոլոր այն խնդիրները, որոնք կան մեր կյանքում, այդ բոլորը թույլ չեն տալիս լավ արվեստի գործեր ստեղծելու: Երբեք չեմ ունեցել սերիալում նկարվելու առաջարկ, որովհետև ես այնքան բաց եմ ապրում, նախապես գիտեն իմ պատասխանը, դրա համար էլ չեն առաջարկում: Ես չեմ կարող վատ տեքստ ասել: Հիմա կյանքն է ապականվել, դրա համար բեմն էլ է ապականվել, էկրանն էլ: Բայց ես միշտ օրինակ եմ բերում «Մենք ենք, մեր սարերը» ֆիլմը, որտեղ է օժանդակ բայերով են խոսում ոչխար պահողներն ու հունձք անողները, բայց կերպարները հավաստի են ու ճշմարիտ: «Մի շենքը Դուբայ է հիշեցնում, մյուսը` չգիտես ինչ, քաղաքը կորցրել է նախկին դիմագիծը». հանդիպում Թամար Հովհաննիսյանի հետ |