Իտալացի հետազոտողները Սահարա անապատում հայտնաբերել են ժայռանկարներ, որոնցում պատկերված են տղամարդ, կին, երեխա, 2 կենդանի և աստղ` արևելքում: Ապաստարաններից մեկի առաստաղին պատկերված այս տեսարանը գիտնականներին հիշեցրել է Քրիստոսի ծնունդը: Այս մասին հայտնում է Seeker-ը: Դրանք հայտնաբերվել են մի վայրում, որը գտնվում է Նեղոսի հովտի ու Գիլֆ Քիբիրի բարձրավանդակի միջև: Նկարները մոտ 5000 տարեկան են: