17 երկրների հակադոպինգային գործակալությունների նախագահները կոչ են արել լուծարել Հակադոպինգային միջազգային գործակալությունը՝ WADA-ն։ Առաջարկի հեղինակներն են Ավստրալիայի, Ավստրիայի, Կանադայի, Դանիայի, Ֆինլանդիայի, Ֆրանսիայի, Գերմանիայի, Իռլանդիայի, Ճապոնիայի, Հոլանդիայի, Նոր Զելանդիայի, Նորվեգիայի, Շվեդիայի, Սինգապուրի, Շվեյցարիայի, Մեծ Բրիտանիայի և ԱՄՆ-ի հակադոպինգային գործակալությունների նախագահներն, ինչպես նաև Հակադոպինգային կազմակերպությունների ազգային ինստիտուտը։
Առաջարկում մասնավորապես նշվում էր, որ պետք է WADA-ն ավելի անկախ դարձնել։ Հակադոպինգային գործակալությունների ղեկավարները չպետք է այլ մարզական կազմակերպություններում պաշտոններ ունենան։