Օգոստոսի 10-ին ժամը 17:00-ին Ազատության հրապարակում տեղի կունենա հավաք՝ «Հանուն խոսքի ազատության»: Հավաքը նախաձեռնել են հայաստանյան լրատվամիջոցների մի խումբ ղեկավարներ՝ ոչ ասելու բռնություններին, դատապարտելու լրագրողների դեմ իրականացվող հարձակումները, պահանջելու անհապաղ պատժել լրագրողների մասնագիտական գործունեությունը խոչընդոտողներին: Ազատության հրապարակում նախատեսվում է ընթերցել հայտարարության տեքստ, որը բաց կլինի ստորագրելու համար: Ցանկացողները կարող են միանալ ստորագրահավաքին հենց Ազատության հրապարակում: