Մոնտենեգրոյի Էլեկտրոնային լրատվամիջոցների գործակալության (AEM) խորհուրդը կոչ է արել ինտերնետ-մատակարարներին՝ անջատել RT և Sputnik հեռուստաալիքների հեռարձակումը հանրապետությունում։
«Խորհուրդը հայտարարեց, որ RT-ի և Sputnik-ի նկատմամբ սահմանափակող միջոցների մասին կառավարության որոշման՝ ուժի մեջ մտնելով, բոլոր նրանք, ովքեր հեռարձակման ծառայություններ են մատուցում, եթե դա դեռ չեն արել, անհապաղ բացառեն այդ հեռուստաալիքները և դրանց բովանդակությունն իրենց առաջարկների ցանկից»,- ասվում է Մոնտենեգրոյի ռադիոհեռուստատեսության տարածած հաղորդագրության մեջ։ «Դա ենթադրում է ցանկացած հարթակում հեռարձակման և տարածման բոլոր թույլտվությունների չեղարկում:
Մոնտենեգրոյի իշխանությունները մի քանի անհաջող փորձերից հետո ապրիլի 8-ին ընդունել են Ռուսաստանի դեմ պատժամիջոցների փաթեթ՝ կապված Ուկրաինայում տիրող իրավիճակի հետ։ Մինչ այդ նրանք պերսոնա նոն գրատա էին հայտարարել դեսպանատան 5 դիվանագետի։