Թուրքիայի նախագահ Ռեջեփ Թայիփ Էրդողանը մտադիր է պաշտպանության և տնտեսության ոլորտում դադարեցնել համագործակցությունն ԱՄՆ-ի հետ, այն բանից հետո, երբ Ջո Բայդենը ճանաչեց Հայոց ցեղասպանությունը: Այս մասին հայտնում է Bloomberg-ը՝ հղում անելով աղբյուրին։
Գործակալության տվյալներով՝ Էրդողանը մտադիր է կառավարության նիստ հրավիրել և պատասխան միջոցներ ձեռնարկել ԱՄՆ-ի հդեմ։ Նախատեսվող քայլերի թվում է պաշտպանական և տնտեսական ոլորտում համագործակցության մասին երկկողմ համաձայնագրի սառեցումը։
Տվյալ համաձայնագիրը 2 երկրների միջև ռազմական ոլորտում համագործակցության առանցքային փաստաթղթերից մեկն է, որի համաձայն՝ Անկարան ու Վաշինգթոնը փոխանակվում են հետախուզական տվյալներով, համատեղ զորավարժություններ են անցկացնում, ինչպես նաև ապահովվում է ամերիկացիների հասանելիությունը Թուրքիայի ավիաբազաներին: