Հետաքրքիր է

Վերջերս հրապարակված հարցազրույցների գրքում, Հռոմի Պապ Ֆրանցիսկոսն ասել է, որ լավ պատրաստված սննդի կամ սեռական հարաբերության հաճույքները «աստվածատուր» են:
     Նա կարծում է, որ դրանք անցյալում անարդարացիորեն զոհ են գնացել Կաթոլիկ Եկեղեցու կողմից։
     «Հաճույքը գալիս է անմիջապես Աստծուց, այն ոչ կաթոլիկ է, ոչ քրիստոնյա, ոչ էլ ուրիշ որևէ մի բան, այն պարզապես աստվածային է»,- Պապը ասել է իտալացի գրող Կառլո Պետրինիին:
     Նա ասել է, որ հաճույքը ժխտող «ավելորդ բարոյականության» համար տեղ չկա, և խոստովանել է, որ այն նախկինում եղել է եկեղեցում:
     Արգենտինայի Խորխե Բերգոլիո քաղաքում ծնված 83-ամյա պապը պնդել է, որ դա «քրիստոնեական ուղերձների սխալ մեկնաբանությունն էր»:
     «Եկեղեցին դատապարտել է անմարդկային, կոպիտ, գռեհիկ հաճույքները, բայց մյուս կողմից՝ միշտ ընդունել մարդկային, պարզ, բարոյական հաճույքները»,- ասել է նա։
     «Սնվելու հաճույքը սննդի միջոցով ձեր առողջությունը պահպանելու համար է, ճիշտ այնպես, ինչպես սեռական հաճույքը՝ սերը ավելի գեղեցիկ դարձնելու և երաշխավորելու համար տեսակի պահպանումը: Սնվելու և սեռական հաճույքները տրված են Աստծուց»,- հավելել է Պապը։
     Ֆրանցիսկոս պապն ասել է, որ հակադիր հայացքները «հսկայական վնաս են հասցրել, որոնք կարող են զգացվել մինչ օրս»:
     «TerraFutura, զրույցներ Հռոմի Պապի հետ ներառական էկոլոգիայի մասին» գիրքը, որը գրվել է Պետրինիի կողմից, հրապարակվել է սեպտեմբերի 9-ին։