Ինչպես հայտնել էինք, Բելգիայի Սեն Պիեռ հիվանդանոցի բուժաշխատողներն «ամոթի միջանցք» էին կազմել՝ մեջքով շրջված դիմավորելով երկրի վարչապետ Սոֆի Ուլմեսին, ով այցելել էր բժշկական հաստատություն: Այս կերպ նրանք իրենց վրդովմունքն էին ցույց տվել Բելգիայի իշխանություններին` համաճարակի պայմաններում առողջապահական համակարգի նկատմամբ դրսևորած վերաբերմունքի համար:
Բելգիայի վարչապետ Սոֆի Ուիլմեսն այսօր անդրադարձել է բողոքի ակցիային՝ նշելով, որ զրուցել է բժիշկների հետ և նրանց հորդորել երկխոսության: Ըստ նրա՝ կարևոր է, որպեսզի հնարավոր լինի «լսել և բացատրել, երբ ինչ-որ բան սխալ է լինում»: