Լիբանանում 39-րդ օրն է, ինչ շարունակվում են հարյուր հազարավոր մարդկանց մասնակցությամբ ցույցերը, որոնք սկսվել էին հոկտեմբերի 17-ին:
Նախօրեին երկրի հարավում գտնվող Սայդա քաղաքում ցուցարարները կազմակերպել են «Հաց ու աղ» ակցիան:
Բարեփոխումներ պահանջող ցուցարարները Լիբանանի դրոշներով քայլերթ են կազմակերպել և պահանջում էին, որպեսզի նախագահ Միշել Այունը նոր կառավարություն կազմի։
Նաբատիա քաղաքում անցկացվող ցույցերի ժամանակ ցուցարարները պահանջում են ընտրություններին մասնակցելու տարիքային շեմի իջեցումը։ Նրանք վանկարկել են. «Ժողովուրդը ցանկանում է տապալել կառավարությունը» և «հեղափոխություն»: Ցույցերին մասնակցում է նաև լիբանանցի երաժիշտ Մարսել Խալիֆը: