Գիտնականները հաշվել են մոլորակի վրա երբևէ արդյունահանված ամբողջ ոսկու ծավալը: Այս մասին զեկույցով հանդես է եկել Ոսկու համաշխարհային խորհուրդը:
Ըստ զեկույցի, եթե հալեցնենք երբևէ Երկրի ընդերքից դուրս բերված ոսկին, ապա կստանանք 21 մետր կողոով խորանարդ:
2017-ի վերջի դրությամբ՝ աշխարհում արդյունահանված ոսկու քանակը կազմել է 190.040 տոննա: Նշվում է, որ հաշվարկների ժամանակ հաշվի են առնվել նաև բոլոր հայտնի պատմական ոսկյա արտեֆակտները:
Գիտնականները շեշտում են, որ ոսկու արդյունահանման երկու երրորդը արվել է 1950 թվականից ի վեր: Միևնույն ժամանակ, թանկարժեք մետաղի գրեթե կեսը նախատեսված է զարդերի պատրաստման համար: