«Սասնա Ծռեր» կուսակցության մամուլի խոսնակ Վահագն Ավագյանը ֆեյսբուքյան իր էջում գրել է. «Նիկոլ Փաշինյանին լրացնեմ. Գարեգին Նժդեհը ոչ թե թուրքերի հարձակմանն է դիմադրել, այլ թուրք-բոլշևիկյան հարձակմանը: Վարչապետի պատասխանը ԱՊՀ համաժողովին թեև պետք է դիվանագիտական լիներ, այնուամենայնիվ ավելի շատ արդարացման էր նման, այնինչ Գարեգին Նժդեհը հայոց պատմության վերջին հազարամյակի ամենալուսավոր ռազմաքաղաքական գործիչն է և իր կերպարով, իր աշխարհփիլիսոփայությամբ, իր ժառանգությամբ հայկական պետականության մեծագույն լիցքն է եղել:
Նժդեհին հրեշացնելու փորձերը մեր կողմից պետք է արժանանան հնարավոր ամենակոշտ արձագանքի թե՛ ներսում, թե՛ առավել ևս դրսում»: