Թուրքիայի նախագահ Ռեջեփ Թայիփ Էրդողանը սպառնացել է Եվրոմիության երկրներին բացել սահմանները սիրիացի փախստականների համար այն բանից հետո, երբ եվրոպական առաջնորդները քննադատեցին Թուրքիային՝ Սիրիայում ռազմական գործողությունների համար, հայտնում է РИА Новости գործակալությունը: Ըստ Էրդողանի՝ ներկա պահին Թուրքիայիում գտնվում է 3,5 միլիոն սիրիացի փախստական։
«ԵՄ, վերջապես ուշքի եկե՛ք: Եթե ասում եք, որ այս գործողությունը մեր կողմից օկուպացիա է, մենք փախստականների համար կբացենք սահմանային դռները»,- հայտարարել է Էրդողանը: