Ըստ արաբական «Աշ Շարք ալ Աٳսաթե» թերթի հաղորդման՝ Թուրքիան հրաժարվում է լիցքավորել իրանական օդանավերը, ինչը հաստատում է այն լուրերը, թե Անկարան խրախուսում է Թեհրանի դեմ ԱՄՆ պատժամիջոցները:
«IranAir»-ը բանակցություններ է վարում Անկարայի հետ, երբ թուրքական որոշ օդանավակայաններ հրաժարվեցին լիցքավորել ընկերության ինքնաթիռները։ Այս մասին հաղորդել է ավիաընկերության գլխավոր տնօրեն Թուրաջ Զանգանեն:
Երկու շաբաթ առաջ ԱՄՆ Գանձապետարանը նախազգուշացրել էր, որ պատժամիջոցներ կկիրառի այն ավիաընկերությունների դեմ, որոնք կհամագործակցեն իրանական ավիաընկերությունների հետ:
Միացյալ Նահանգները ուշադիր հետևում են Թուրքիայի կողմից Իրանի դեմ սահմանված պատժամիջոցների կատարմանը, քանի որ վերջին տարիներին թուրքական կողմը անտեսում էր այդ որոշումները: