Սեպտեմբերի 9-ից հոկտեմբերի 4-ը Ռուսաստանի Խանտի Մանսիյսկ քաղաքում կայանալու է շախմատի աշխարհի գավաթի 2019 թվականի խաղարկությունը: Մրցաշարին կմասնակցի 128 շախմատիստ և այն կանցկացվի նոկաուտ համակարգով՝ պարտվողը դուրս կմնա հետագա պայքարից: Աշխարհի գավաթի խաղարկությունում Հայաստանը կներկայացնեն Լևոն Արոնյանը, Սերգեյ Մովսեսյանը, Ռոբերտ Հովհաննիսյանը և Արման Փաշիկյանը:
Աշխարհի գավաթի խաղարկության արդյունքներով երկու շախմատիստ կնվաճի հավակնորդների մրցաշարի ուղեգիր: