Խնդրում ենք սպասել...
Այսօր`  երկուշաբթի, 19 օգոստոսի, 2019 թ.

Միջազգային

Բարենցի ծովում հրդեհից վնասված սուզանավը կվերականգնեն

16:50, հինգշաբթի, 04 հուլիսի, 2019 թ.
Բարենցի ծովում հրդեհից վնասված սուզանավը կվերականգնեն

Բարենցի ծովում ՌԴ Ռազմածովային ուժերի սուզանավի պատահարի պատճառը կուտակիչային հատվածամասում բռնկված հրդեհն է եղել․ ՏԱՍՍ-ի փոխանցմամբ, ՌԴ նախագահ Վ.Պուտինին հայտնել է երկրի պաշտպանության նախարար Սերգեյ Շոյգուն: Ըստ նախարարի՝ սուզանավը վերականգնման ենթակա է:

«Այս դեպքում սուզանավի վերականգնումը ոչ թե հնարավոր է, այլ պարտադիր»,- նշել է Ս.Շոյգուն:

Ըստ նրա՝ այժմ որոշակիացվում է, թե որքան ժամանակ կպահանջվի վերականգնման համար: Նախարարն ասել է նաև, որ սուզանավի միջուկային էներգետիկ սարքն ամբողջությամբ վնասազերծվել է և արդեն սարքին վիճակում է:

Հիշեցնենք, որ դեպքը տեղի է ունեցել հուլիսի 1-ին․ պատահարից զոհվել էր 14 ծովային:

Նրանց լուսանկարներն արդեն հրապարակվել են:

Ավելի ուշ ՌՈՅԹԵՐՍ-ը հաղորդել է, որ Ռուսաստանի Դաշնության նախագահ Վլադիմիր Պուտինը բացահայտել է, որ խոր ջրային գիտահետազոտական սարք ներկայացվող ապարատն իրականում միջուկային սուզանավ է:

| | |
2241 | 0
Facebook
COMMENT.am