Թրամփի ու Մեյի հանդիպմանը զուգահեռ՝ Լոնդոնում տասնյակ հազարավոր քաղաքացիներ ցույցի են դուրս եկել
16:35, երեքշաբթի, 04 հունիսի, 2019 թ.
Երկօրյա այցով Մեծ Բրիտանիայում գտնվող ԱՄՆ նախագահ Դոնալդ Թրամփը հանդիպել է երկրի վարչապետ Թերեզա Մեյի հետ, հայտնում է Reuters-ը:
Թրամփին միացել են կինը, դուստրն ու աշխատակազմի անդամները, այդ թվում՝ ազգային անվտանգության հարցերով օգնական Ջոն Բոլթոնն ու ֆինանսների նախարար Սթիվեն Մնուչինը:
Հանդիպմանը զուգահեռ Լոնդոնում ցույցեր են անցկացվում. ոչ բոլոր բրիտանացիներն են ողջունում Միացյալ Նահանգների նախագահի այցը: Ցուցարարները դժգոհում են Թրամփի քաղաքականությունից: Նրանք «փոքրիկ Թրամփի» տեսքով հսկա փուչիկ են պատրաստել:
Քիչ անց սպասվում է Թրամփի ու Մեյի մամուլի ասուլիսը: