Իրանի դեմ պատժամիջոցներ սահմանելով՝ ԱՄՆ-ը ցանկանում էր կաթվածահար անել Իրանի տնտեսական աճը, սակայն, իրականում, Թեհրանն առավել ինքնաբավ դարձավ: Այս մասին Twitter-ի իր էջում գրել է Իրանի հոգևոր առաջնորդ այաթոլա Ալի Խամենեին:
«Իրանի ժողովուրդը տարիներ շարունակ ամեն ինչ ներմուծել է, այժմ նրա մոտ ամեն ինչ արտադրելու սովորություն է մշակվել»,- ասվում է գրառման մեջ:
Իրանի հոգևոր առաջնորդի խոսքով՝ Թեհրանի հետ 40-ամյա պայքարի ընթացքում Վաշինգթոնը փորձել է տարբեր տնտեսական, ռազմական և տեղեկատվական գործիքներ օգտագործել, սակայն Իրանը հաղթանակած է դուրս եկել:
«Աշխարհը հակազդում է ԱՄՆ նախագահ Դոնալդ Թրամփի ցանկացած որոշմանը, ընդ որում, նրա դեմ են ոչ միայն մարդիկ, այլ նաև երկրների կառավարությունները»,- հավելել է Ալի Խամենեին:
Հիշեցնենք, որ այսօր Իրանի իշխանությունները հայտնել էին սեփական կործանիչների զանգվածային արտադրության մասին: