Ադրբեջանի ԱԳՆ մամուլի ծառայության ղեկավար Հիքմեթ Գաջիևը հայտարարել է, որ թարմացվել է 2017թ. առանց Բաքվի թույլտվության Լեռնային Ղարաբաղ այցելածների «սև ցուցակը»:
«Ադրբեջանի ԱԳՆ-ի «անցանկալի անձանց» ցուցակում մոտ 600 մարդու անուն կա: Այս տարի ադրբեջանական կողմին մոտ 10 մարդ է դիմել՝ խնդրելով ցուցակից հեռացնել իրենց անունները: Նրանց մի մասի անունները հեռացվել են ցուցակից, մյուսների դիմումները դեռևս դիտարկվում են»,- ասել է Գաջիևը Բաքվում տեղի ունեցած մամուլի ասուլիսի ժամանակ:
Նա նաև մեկնաբանել է Արցախ այցելած Թուրքիայի քաղաքացիների շուրջ ստեղծված իրավիճակը: Նրա խոսքով՝ Ադրբեջանի իրավապահ մարմիններն այդ հարցով շարունակում են աշխատել թուրքական կողմի հետ: