Իսրայելի պաշտպանության բանակն ի պատասխան պաղեստինցիների հրթիռային հարվածների՝ հարվածներ է հասցրել Գազայի հատվածի տարածքում տեղակայված 2 դիրքերի ուղղությամբ: Այս մասին ասվում է Իսրայելի զինված ուժերի պաշտոնական հաղորդագրության մեջ:
Ավելի վաղ Գազայի հատվածի սահմանների մոտ իսրայելական մի քանի բնակավայրեր հրթիռակոծման էին ենթարկվել պաղեստինյան տարածքից:
Տուժածների և փլուզումների մասին տեղեկություններ չեն հաղորդվում:
Նշենք, որ կոնֆլիկտը կրկին սրացել է այն բանից հետո, երբ ԱՄՆ-ն Երուսաղեմն Իսրայելի մայրաքաղաք է ճանաչել: