ԱՄՆ-ը վերսկսում է փախստականների ընդունման ծրագիրը, բայց միևնույն ժամանակ խստացնում է 11 երկրից գաղթականների ընդունման չափանիշները: Թե որ երկրների մասին է խոսքը՝ առայժմ հայտնի չէ: Հայտնի է միայն, որ այդ երկրների քաղաքացիներին առաջիկա 3 ամսվա ընթացքում միայն հատուկ դեպքերում թույլ կտան ԱՄՆ մուտք գործել: ԱՄՆ նախագահ Դոնալդ Թրամփի հմապատասխան հրամանը հրապարակվել է Սպիտակ տան պաշտոնական կայքում:
Նշվում է, որ այդ ծրագրի գործունեությունը դադարեցվել էր 120 օրով՝ կապված ԱՄՆ մուտքի թույլտվության կանոնների ընդհանուր խստացման հետ:
ԱՄՆ Ներքին անվտանգության նախարարության հայտարարության մեջ ասվում է, որ ավելի խիստ վերահսկողության են ենթարկվելու այն երկրներից եկած փախստականները, որ սպառնում են ԱՄՆ անվտանգությունը: