Միջազգային

Լաս Վեգասի Mandalay խաղատան մոտակայքում հրաձգություն է տեղի ունեցել: Ոստիկանության հաղորդմամբ՝ անհայտ անձը կրակ է բացել երաժշտական փառատոնի ժամանակ:
     Reuters գործակալության տեղեկություններով՝ 2 մարդ է զոհվել, ևս 24-ը վիրավոր է: Տեղի իշխանությունները՝ վկայակոչելով ականատեսներին, հայտնել են, որ ինտենսիվ կրակոցներ են արձակվել:
     Ինչպես նաև կան տեղեկություններ, որ հրաձիգը կրակ է բացել ոստիկանական մեքենաների ուղղությամբ խաղատան մոտակայքում գտնվող հյուրանոցի 32-րդ հարկից:
     Այժմ տարածքում ոստիկանական հատուկ գործողություններ են իրականացվում: