«Շատ քաղաքացիներ բողոքում են, որ մարդասպանությունները, ավտովթարներն անընդհատ ցույց են տալիս հեռուստատեսությամբ: Երեխաներ են նայում, վախենում են: Հա, դժբախտ դեպք ա եղել, մարդը մահացել ա, հասկանալի ա, բայց պարտադիր ա՞, որ հեռուստատեսությամբ մի շաբաթ շարունակ մարդուն մեռած, արյունոտ ցույց տան: Կարելի ա որպես ինֆորմացիա ասել, բաց ոչ` գունավոր նկարելով ցույց տալ»,- ԱԺ-ում դիմելով ՀՀ փոխոստիկանապետ Վարդան Եղիազարյանին` հարց բարձրացրեց ԱԺ ՀՀԿ խմբակցության պատգամավոր Ալեքսանդր Պետրոսյանը (ՄԱՊ-ի Ալիկ)` առաջարկելով սահմանափակում կիրառել: Եղիազարյանն ասաց, որ իրենք նման լիազորություններ չունեն և որ դա ավելի շատ խորհրդարանի գործառույթն է: