Հետաքրքիր է

Իսպանացի հայտնի միլիարդեր և Corona գարեջրային հայտնի ապրանքանիշի հիմնադիր Անտոնիո Ֆերնանդեսը իր հայրենի գյուղի բնակիչներին է կտակել 209 միլիոն դոլար: ԶԼՄ-ների տվյալներով` Ֆերնանդեսը ծնվել է Սերեսալես դել Կոնդադո գյուղում 1917-ին, իսկ նրա ընտանիքը, որտեղ ինքը 11-րդ երեխան է եղել, ապրել է աղքատության մեջ: 32 տարեկանում Անտոնիոն հարազատների հետ գաղթել է Մեքսիկա, որտեղ էլ կառուցել է իր կարիերան` դառնալով գարեջրագործարանի գլխավոր տնօրեն: Նա մահացել է այս տարվա օգոստոսին` կարողության մի մասը կտակելով հայրենի գյուղի բնակիչների: Այժմ այդ գյուղում ապրում է 80 մարդ, իսկ դա նշանակում է, որ նրանցից յուրաքանչյուրը կստանա շուրջ 2,6 միլիոն դոլար: