Արմատական խմբավորումները, որոնք իրենց վերահսկողության տակ են պահում Հալեպի արևելյան շրջանները, կիրակի օրը «Գրադ» համազարկային կրակի ռեակտիվ կայանքներից հրետակոծել են քաղաքի համալսարանը, կան զոհեր և վիրավորներ: Այս մասին գրում է սիրիական «Ալ-Վաթան» թերթը՝ հղում անելով սեփական աղբյուրներին: Ըստ աղբյուրների տվյալների, ընդհանուր առմամբ զինյալները չորս արկ են բաց թողել, որոնցից երեքն ընկել է համալսարանի տարածքում, իսկ մեկը հարվածել է հենց բուհի շենքին: Ինչպես նշում է պարբերականը, հարձակման հետևանքով մի քանի ուսանող է զոհվել ու վիրավորվել: Նրանց հստակ թիվն այս պահին ճշտվում է: