Արդեն մեկ ամիս է Սարի թաղում չեն երևում տարբեր մարզերից պտուղ-բանջարեղեն տեղափոխող ավտոմեքենաները: Նախկինում, եթե տեղաբնակները դռան առաջ առևտուր էին անում այդ մեքենաներից, այսօր ստիպված են շուկա հասնել:
Ասում են, բանջարեղեն տեղափոխող ավտոմեքենաների վարորդներին Սարի թաղ բարձրանալ արգելել է ՀՀԿ պատգամավոր, թոխմախցի Մհեր Սեդրակյանը:
Ըստ լուրերի Մհերի մարդիկ հսկում են Սարի թաղ տանող ճանապարհի մուտքը և տեսնելով թաղ մտնող բանջարեղենով բեռնված ավտոմեքենաները, անմիջապես հետ են դարձնում: Վարորդները բնակիչներին պատմել են, որ իրենց առջև ստեղծված խոչընդոտը Մհերի ձեռքի գործն է: Վերջինը թույլ չի տալիս իրենց մթերքը վաճառել Սարի թաղում, որպեսզի իրենք ստիպված այն վաճառեն Կայարանի շուկայում, որը պատկանում է Մհեր Սեդրակյանին: