«Նախորդ համագումարի վերջում ասացի, որ էլ չեմ ուզում ընտրվել, և փաստարկներից մեկն այն է, որ երկու տարին լուրջ ժամկետ չէ»,- այսօր Երևանի Պատանի hանդիսատեսի թատրոնում կայացած Հայաստանի թատերական գործիչների միության 16-րդ համագումարի ժամանակ ասաց ՀԹԳՄ նախագահ Հակոբ Ղազանչյանը` ներկայացնելով անցած 2 տարվա գործունեությունը: Նա բաց քվեարկությամբ վերընտրվեց ՀԹԳՄ նախագահ:
Նրա խոսքով` թատերական գործիչների միությունն այսօր ուշադրության կարիք ունի: «Ես գիտեմ, որ դուք ակնկալում եք Թատերական լրիվ նոր միություն։ Ամեն ինչ կանեմ, որ մենք ունենանք սկզբունքայնորեն նորացված աշխատանքով, աշխատաոճով, ծրագրերով թատերական միություն»,- նշեց Հակոբ Ղազանչյանը:
Նշենք, որ առաջին անգամ Հ. Ղազանչյանը ԹԳՄ նախագահ ընտրվել է 2007-ին: