Այս գիշեր Մոսկվայի կենտրոնում՝ Մեծ Մոսկվորեցկի կամրջի վրա, սպանվել է Ռուսաստանի ընդդիմադիր հայտնի գործիչ Բորիս Նեմցովը:
Ինչպես գրում է «Գազետա»-ն, 55-ամյա քաղաքական գործչի վրա անհայտ մեքենայից 6 կրակոց են արձակել, որից 4-ը ճակատագրական են եղել:
Հաղորդվում է նաև, որ սպանության պահին տեսախցիկները ֆիքսել են 3 մեքենա` 2 Ford Focus և մեկ Ford Mondeo:
Քաղաքական գործիչն այդ պահին եղել է իր զուգընկերուհու՝ ուկրաինացի 23-ամյա մոդել Աննա Դուրիցկայայի հետ:
Աղբյուրը նշում է նաև, որ ՌԴ նախագահ Վլադիմիր Պուտինը Նեմցովի սպանությունը որակել է որպես պատվիրված և սադրիչ բնույթ կրող քայլ՝ ուղղված ՌԴ կառավարությանը:
Պուտինը ցավակցական նամակ է հղել Նեմցովի մորը`Դինա Էյդմանին` խոստանալով պատժել մարդասպաններին:
Քննիչներն արդեն խուզարկել են սպանվածի բնակարանը: Նրանք վերցրել են բոլոր փաստաթղթերը, ձայնագրություններն ու այլ նյութեր: