Խորհրդարանում շարունակվում է «Հանրաքվեի մասին» օրինագծի քվեարկության արդյունքների շուրջ բանավեճը: «Ելք»-ը պնդում է, որ ՀՀԿ-ն քվեարկում է բացակա պատգամավորների փոխարեն:
«Ունենք ԱԺ նախագահություն: Ինչի՞ ա մեր վրա էդ բեռը՝ հետևել, որ մեկը մյուսի տեղը չքվեարկի: Մանկապարտեզ ա՞, թե՞ ինչ ա, ժողովուրդ: Աժ նորմալ աշխատանքներն ապահովելը ձեր պարտականությունն է»,- հայտարարեց «Ելք» խմբակցության պատգամավոր Գևորգ Գորգիսյանը:
«Մենք ունենք 105 պատգամավոր ու ամեն մեկն իրավունք ունի վերահսկելու ու կարծիք հայտնելու: Ես վերականգնեցի պատկերն ու դուք նայեցիք»,- արձագանքեց ԱԺ նախագահը:
Ավելի վաղ Փաշինյանը հայտարարել էր, որ «երկրի ամենամեծ խնդիրն այն է, որ առաջին դեմքերը կարող են նայել մարդկանց աչքերի մեջ ու սուտն առաջ տանել»: