Իրադարձություններ

Արմեն Աշոտյանն «Ազատության» եթերում հայտարարել էր, որ պատրաստ է վարչապետի պաշտոնում առաջադրել Սերժ Սարգսյանի թեկնածությունը՝ նշելով, որ շատերն են կիսում իր տեսակետը: ԱԺ այսօրվա ճեպազրույցների ժամին լրագրողները ՀՀԿ խմբակցության ղեկավար Վահրամ Բաղդասարյանից հետաքրքրվել են՝ սա, ըստ էության, խնդրանք պետք է լինի՞ ՀՀԿ-ի կողմից, որ Ս. Սարգսյանը դառնա վարչապետ. «Խնդրանքներով կամ հավակնություններով վարչապետ չեն լինում: Կա, այո տրամադրվածություն թեկնածության առումով: Իհարկե, դեռ չենք անդրադարձել այդ հարցին: Երբ քննարկումները կկազմակերպենք, յուրաքանչյուր ոք, ով ՀՀԿ անդամ է, պարտավոր է լինելու ենթարկվել քաղաքական ուժի որոշումներին: Իրոք, կա նման ցանկություն, ու բավականին լրջանում է այդ հարցը, քանի որ օրերը մոտենում են»,- ասել է Բաղդասարյանը:

Ավելի վաղ MAMUL.am-ն իր «Ի՞նչ է խոսում քաղաքը» բաժնում անդրադարձել էր Սերժ Սարգսյանին «ազգովի խնդրելու» գործընթացի մեկնարկին: