Սիրիայի Աֆրինում քաղաքում Թուրքիայի կողմից նախաձեռնված «Ձիթենու ճյուղ» ռազմական գործողությունների հետևանքով քաղաքի հայկական համայնքի 24-ամյա ներկայացուցիչ է զոհվել:
«Ռոշեր Քոնիս անունով երիտասարդը զոհվել է հունվարի 24-ի ավիահարվածների հետևանքով: Նա Աֆրինում բնակվող հայկական ընտանիքից էր: Նրա մայրն ու քույրը թուրքական բանակի հասցրած ավիահարվածների հետևանքով վնասվածքներ են ստացել»,- հայտնում է տեղական ANF News պարբերականը:
Պարբերականի աղբյուրների հաղորդմամբ՝ զոհված հայի նախնիները հիմնվել են Աֆրինում Հայոց ցեղասպանության տարիներին: