Ադրբեջանը «դրական է գնահատել» ղարաբաղյան հակամարտության կարգավորման հարցով Ռուսաստանի գործողությունների ակտիվացումը, Մոսկվան կարող է մեծ դեր խաղալ հակամարտության կարգավորման գործում: Այս մասին, ինչպես հաղորդում է РИА Новости-ն, հայտարարել է Ադրբեջանի նախագահի՝ արտաքին քաղաքականության հարցերով օգնական Նովրուզ Մամեդովը:
«Դրական ենք ընդունում, քանի որ այդ հակամարտության կարգավորման հարցում Ռուսաստանը մեծ դեր է խաղում, և դա հասկանում են բոլորը: Ես դրական եմ գնահատում այդ շփումները: Բանակցությունների առկայությունը, քննարկումների անցկացումը նոր գաղափարի կհանգեցնեն»,- Մամեդովի խոսքն է մեջբերում «Հազար» հեռուստաալիքը: