Այսօր Սիսիանի համայնքապետարանում տեղի է ունեցել համայնքի ավագանու արտահերթ
նիստ, որը վարել է քաղաքապետ Արթուր Սարգսյանը:
Հիշեցնենք՝ ծննդյան տարեդարձի տեսանյութով հայտնի քաղաքապետը
վերընտրվել էր նոյեմբերի 6-ին տեղի ունեցած ՏԻՄ ընտրությունների արդյունքներով: Նրա մրցակից, ԲՀԿ-ական Կարեն Համբարձումյանն ինքնաբացարկ էր հայտնել:
Օրակարգի 4-րդ հարցը վերաբերում էր Սիսիանի համայնքի ղեկավարի վարձատրության չափին, որը ավագանու անդամների միաձայն քվեարկությամբ հաստատվեց: «Եթե տեղյակ չեք, ասեմ, որ համայնքի ղեկավարի վարձատրությունը որոշում ա ԱԺ պատգամավորի աշխատավարձի 71,04 տոկոսը, դե, ճիշտն ասած, մեր համայնքի վիճակը հաշվի առնելով, հաշվարկել եմ, և իմ աշխատավարձը պատգամավորների աշխատավարձի մոտ 59 տոկոսն ա: Տենց ներկայացրել ենք, որից հետո իմ աշխատավարձը ձևավորվում ա, դրա 81,26 տոկոսը՝ աշխատակազմի ղեկավար, տեղակալ ու աշխատակազմ»,- ասաց Արթուր Սարգսյանը: «Եթե իջացնելու հարց կա, իջացնենք, եթե բարձրացնելու՝ չենք բարձրացնելու»,- ասաց նա:
Ավագանին հաստատեց քննարկվող հարցը: