Մալթայի իշխանությունները 1 միլիոն եվրո պարգևավճար են խոստացել այն մարդուն, ով կօգնի գտնել լրագրողուհի Դաֆնե Քարուան Գլիցիի սպանությունը կազմակերպողներին, գրում է ANSA գործակալությունը: Համապատասխան փաստաթղթում տեղի ունեցածը համարվում է «արտակարգ կարևոր իրադարձություն, որը պահանջում է արտակարգ միջոցների կիրառում:
«Արդարությունը պետք է վերականգնվի ցանկացած գնով»,- ասվում է կառավարության հաղորդագրությունում:
Տեղեկատվության փոխանցումը կարող է իրականացվել նաև անանունության սկզբունքներով:
Ավելի վաղ WikiLeaks-ի հիմնադիր Ջուլիան Ասանժը 20 հազար եվրո ևս պարգևավճար է խոստացել կարևոր տեղեկատվություն փոխանցող ամեն մի մարդու:
Մալթայում մեքենայի պայթյունի հետևանքով զոհվել է լրագրող Դաֆնե Քարուանա Գալիցիան, ով «պանամական փաստաթղթերի» հիման վրա իր երկրի վարչապետ Ջոզեֆ Մուսքաթին մեղադրել է կաշառակերության համար: