Երևանի քաղաքապետարանը, նոր ուսումնական տարվան ընդառաջ, հերթական տհաճ անակնկալն է մատուցել մի շարք մանկապարտեզների երեխաների ծնողների համար, որոնց 3 տարեկան փոքրիկները հաստատություն պետք է հաճախեին վաղվանից: Ասում են՝ մանկապարտեզներից այսօր զանգահարել են ծնողներին ու հայտնել, որ քաղաքապետարանի որոշմամբ, եթե երեխայի ծնունդը լրանում է մինչև սեպտեմբերի 9-ը, կարող է սեպտեմբերի 1-ից հաճախել մանկապարտեզ, եթե դրանից հետո՝ ոչ: Ըստ լուրերի՝ զայրույթն այն աստիճան է բորբոքվել, որ երեխաների ծնողները մտադիր են իրենց բողոքի ձայնը բարձրացնել պատկան մարմիններին: