Ամերիկացի սենատոր Ջոն Մաքքեյնը մեկնաբանել է Ռուսաստանում ամերիկացի դիվանագետների թվի կրճատումը՝ հայտարարելով, որ ՌԴ նախագահ Վլադիմիր Պուտինը «կվճարի ամերիկյան ժողովրդավարության վրա հարձակման համար», փոխանցում է Gazeta.ru-ն: Այս մասին նա գրել է թվիթերյան իր էջում: «Զարմացած չեմ, որ Պուտինը վտարում է ամերիկացի դիվանագետներին, սակայն նա և իր շրջապատը կվճարեն ժողովրդավարության վրա հարձակման համար»,- գրել է սենատորը: Հիշեցնենք, որ Պուտինը հայտարարել էր, որ 755 ամերիկացի դիվանագետ ստիպված է լքել Ռուսաստանը: