Armenia Weekly պարբերականին տված հարցազրույցում հայկական ծագում ունեցող թուրք գրող Սևան Նշանյանը խոսել է Թուրքիայի նախագահ Ռեջեփ Էրդողանի ռեժիմի մասին: «Էրդողանի ռեժիմի օրերը հաշված են: Ցավում եմ, որ հեռու եմ իմ գյուղից: Սակայն ես չեմ կարծում, որ Թուրքիայում այդ քաղաքական խելացնորությունը երկար կշարունակվի: Ռեժիմը կգնա, իսկ մենք կվերադառնանք»,- ասել է Նշանյանը:
Հիշեցնենք, որ հուլիսի 14-ին նա փախել էր թուրքական բանտից՝ թվիթերյան իր էջում գրելով հետևյալը. «Թռչնակը թռավ, նույնը մաղթում եմ մյուս 80 միլիոնին»: