«Երկիր ծիրանի» կուսակցությունը, Զարուհի Փոստանջյանի գլխավորությամբ, շարունակում է նախընտրական հանդիպումները երևանցիների հետ: Այսօր նրանք Արաբկիր վարչական շրջանում էին: Երբ լրագրողները բնակիչներից մեկին հարցրին` ճանաչո՞ւմ է արդյոք Փոստանջյանին, ասաց. «Այո, ճանաչում եմ որպես սիրուն տիկին»` ոչինչ չասելով նրա 10 տարվա պատգամավորական գործունեության մասին: «Կուզեմ, որ լավ բանի համար մտածեն, լավ կյանքի ու ապագայի համար պայքարեն, որ մեր Հայաստանը ծաղկի»: Հարցին` կին քաղաքապետ կուզեի՞ք տեսնել, պատասխանեց. «Ինչու չէ, կնիկներն ամեն տեղ էլ կան»: