Երևանում մեկնարկեց միջազգային ռոք փառատոնը: Գաբրիել Սունդուկյանի անվան ազգային ակադեմիական թատրոնում ռոքի սիրահարները վայելեցին խելահեղ երաժշտություն: Մարտի 24-ին մեկնարկած «խելահեղությունը» կշարունակվի նաև առաջիկա երկու օրերին: Փառատոնին մասնակցում են ժամանակակից երաժշտության տարբեր ժանրերում ելույթ ունեցող հայտնի խմբեր՝ արտասահմանից և Հայաստանից: Փառատոնի նախաձեռնողն ու կազմակերպիչն են Հայաստանի մշակույթի նախարարությունը և «Ռոք» ասոցիացիան: