«Իմ հարսը բարեհոգի աղջիկ է և շրջապատում ճանաչված». Գալուստ Սահակյան
 ԱԺ նախագահ Գալուստ Սահակյանը լրագրողների հետ զրույցում անդրադառնալով իր հարսի` Սեդա Հակոբյանի գործունեությանը, ով լինելով Երևանի թիվ 38 մանկապարտեզի տնօրեն, հրահանգում է իր ենթակայությամբ աշխատող մարդկանց, որպեսզի վերջինները մարզերում բնակվող իրենց հարազատներին վերագրանցեն թիվ 2 ընտրատարածքում, ասել է. «Իմ հարսն աշխատանքային ժամին որևէ քարոզչություն չի կատարել: Իմ հարսը բավականին բարեհոգի աղջիկ է և շատ աշխատող և ճանաչված է ամբողջ շրջապատի համար: Եթե մենք մտածենք, որ մարդիկ պետք է բերենք, գրանցել տանք, ոչ թե հարսի մասին պետք է ասեք, այլ իմ մասին: Դրա համար էլ ասում եմ, որ նման տեղեկություններ տարածողները սովորական զազրախոսներ են: Դա ոչ թե իմ հարսին է վերաբերում, այլ վերաբերում է ինձ, ուզում են մի բան գտնել, ասել, դրանով իսկ Գալուստ Սահակյանին կարող են վիրավորել՝ չմտածելով, որ Գալուստ Սահակյանն այն մարդն է, որ ոչնչից չի կարող վիրավորվել, որովհետև ուրիշի ունեցվածքից երբեք ու երբեք չի օգտվել»: |
