Մոսկվայում Հայաստանի քաղաքացու են սպանել, հայտնել է Մոսկվայի քննչական վարչության պետի ավագ օգնական Յուլյա Իվանովան: Սպանությունը տեղի է ունեցել Լիտովյան պուրակին կից բնակելի տների մոտակայքում: Սպանության վայրից 300 մետր հեռավորության վրա հայտնաբերվել է ինքնաձիգ, որից, ենթադրաբար, նրա վրա կրակել են: Այս մասին հաղորդում է «РИА Новости»-ն` հղում անելով իրավապահ մարմիններում իր աղբյուրներին:
«Սպանվածի դիակի կողքին մեքենա էր կանգնած, որտեղ գտել են գնդակի երեք հետք»,- ասել է գործակալության զրուցակիցը:
Քրեական գործ է հարուցվել ՌԴ ՔՕ 105-րդ հոդվածով՝ սպանություն և 222-րդ հոդվածով՝ ապօրինի զենքի ձեռքբերում և կրում: Զոհվածի ինքնությունը պարզվում է: