Ինչպես արդեն
տեղեկացրել էինք, երեկ երեկոյան խոշոր ու ողբերգական ավտովթար էր տեղի ունեցել Վարդենիս-Կարճաղբյուր ճանապարհին. 6 մարդ մահացել էր:
MAMUL.am-ի թղթակիցը պարզեց, որ վթարի հետևանքով մահացածներից 3-ը մի ընտանիքի անդամներ էին՝ ամուսիններն ու նրանց 10 ամսական դուստրը: 28-ամյա Մարգարիտա Ավետիսյանը Գեղարքունիքի մարզի Նորակերտ գյուղից էր: Գյուղապետ Գերասիմ Սարգսյանը
MAMUL.am-ի թղթակցի հետ զրույցում տեղեկացրեց, որ Ավետիսյանների 3-ամյա դստերն էլ տեղափոխել են հիվանդանոց: «Կինը մեր գյուղից էր, բայց ամուսնացել էր Էջմիածնում, շատ շնորհքով ընտանիք էին: Եկել էին աղջկա ընտանիքի անդամներին տեսնելու, բայց նման դեպք գրանցվեց: Շատ ենք ցավում»,- ասաց գյուղապետը: Նա տեղեկացրեց, որ երեխայի վիճակը լավ է, նրա կյանքին վտանգ չի սպառնում: Նշենք, որ մյուս մեքենայի վարորդն ու 2 ուղևորները, որոնք նույնպես մահացել են, Վարդենիս քաղաքից էին: