Կայացավ Հոլիվուդի ամենանշանակալի իրադարձություններից մեկը. Լոս Անջելեսի «Բևերլի Հիլզ» հյուրանոցում տեղի ունեցավ «Ոսկե գլոբուս» մրցանակաբաշխությունը:
Լավագույն տղամարդու դերի համար մրցանակը հանձնվել է Լեոնարդո Դի Կապրիոյին
«Վերապրածը» գեղարվեստական ֆիլմում Հյու Գլասի կերպարի համար:
Լավագույն դերասանուհի է ճանաչվել Ջենիֆեր Լոուրենսը: Լավագույն դրամատիկ ֆիլմ է ճանաչվել «Վերապրածը», լավագույն ֆիլմ (կատակերգություն)՝ «Մարսեցին», իսկ լավագույն ռեժիսոր անվանակարգում հաղթող է ճանաչվել Ալեխանդրո Գոնսալես Ինյարիտուն` «Վերապրածը» ֆիլմի համար:
Մրցանակաբաշխության արարողությունը վարել է բրիտանացի հայտնի կատակերգու Ռիքքի Ջերվեյզը: