Իսրայելի արտաքին գործերի նախարար Էլի Քոհենն ասել է, որ Իսրայելը «դատապարտում է ռուսական ագրեսիան», սակայն ունի «յուրահատուկ դիրքորոշում»։
«Մենք նման չենք ձեր երկրին (նկատի ունի Գերմանիային - խմբ.): Ռուսաստանը մեր տարածաշրջանում, այդ թվում՝ Սիրիայում, առանցքային խաղացող է: Ուստի, կարծում եմ, որ մենք անում ենք հնարավորը՝ բոլոր առումներով»:
Քոհենը հիշեցրել է նաև իր վերջին այցը Կիև. դա իսրայելցի բարձրաստիճան պաշտոնյայի առաջին այցն էր Ուկրաինա ռուսական լայնածավալ ներխուժման մեկնարկից ի վեր: