«Այսօր ժամը 10:00-ի կողմերը գնացել ենք անցակետ, խաղաղապահներին խնդրել ենք փոխանցեն ղեկավարությանը, որ ամբողջ գիշեր իրենց ենք սպասել, և չենք պատրաստվում այստեղից գնալ մինչև նա դուրս չգա՝ մեր պահանջները չլսի: Եթե Վոլկովի կողմից մեր հանրությունը էլի արհամարհվի, մենք ստիպված կլինենք կտրուկ քայլերի գնալ, բլոկ անել, որպեսզի ստիպենք մեզ լսի»,-ռուս խաղաղապահների անցակետի մոտ ասաց «Վաղվա Արցախ» կուսակցության նախագահ Տիգրան Պետրոսյանը:
Հիշեցնենք, որ արցախցիները բողոքի ակցիա են իրականացնում՝ պահանջելով ապաշրջափակել Բերձորի (Լաչին) միջանցքը: